Beth mae NIACE Dysgu Cymru yn ei wneud?

Mae'r sefydliad yn: 

• Gweithredu fel cyfaill beirniadol i lywodraeth leol a chenedlaethol (Llywodraeth Cynulliad Cymru) gan roi cefnogaeth a chyngor ar:
  • datblygu polisi a strategaeth.
  • dysgu teulu a phontio'r cenedlaethau.
  • dysgwyr h┼Àn.
  • cydraddoldeb ac amrywiaeth.
  • datblygu ansawdd a meincnodi.
  • technoleg gwybodaeth a chyfathrebu ac e-ddysgu.
  • gweithredu Fframwaith Credyd a Chymwysterau Cymru.
  • iaith, llythrennedd a rhifedd.
  • Saesneg i Siaradwyr Ieithoedd Eraill (ESOL).
• Monitro prosesau gwneud polisi Llywodraeth Cynulliad Cymru, cynhyrchu adroddiadau, ymateb i ymgynghoriadau a chynhyrchu papurau gwybodaeth i hysbysu a dylanwadu ar ddatblygu polisi fel y mae'n effeithio ar addysg oedolion.
• Hyrwyddo cyfranogiad mewn addysg oedolion drwy ymgyrchoedd proffil uchel megis yr Wythnos Addysg Oedolion, Tymor Cofrestru, Cymryd y Llyw a diwrnod Dysgu yn y Gwaith. Drwy'r gwaith hwn, mae NIACE Dysgu Cymru yn cefnogi 22 o Grwpiau G┼Áyl Ddysgu yn cynnwys dros 250 partner o ystod eang o sectorau ar draws Cymru. Mae'r ymgyrchoedd yn cyrraedd dros 30,000 o gyfranogwyr bob blwyddyn, gyda llawer ohonynt yn dod o gefndir o ychydig neu ddim addysg flaenorol.
• Gweithredu fel asiant newid drwy beilota dulliau blaengar i ymrwymo oedolion mewn dysgu a chynnal gwaith ymchwil a datblygu;
• Cefnogi ymarferwyr drwy gyhoeddi cylchlythyrau, trefnu cynadleddau a digwyddiadau i annog rhannu syniadau ac arfer da mewn dysgu gydol oes.
• Annog a chefnogi cydweithio rhwng sectorau er budd addysg oedolion;
• Rhoi mynediad drwy ei gysylltiadau gyda NIACE i ystod enfawr o gyhoeddiadau diffiniol ac arbenigedd ym maes addysg oedolion.